Nga BBC-ja tek Albanian Career & Business Summit UK 2026: Mars El Brogy, gazetare dhe producente ekzekutive e multimedias, folëse në Samit

MARS EL BROGY
Gazetare dhe producente ekzekutive e multimedias

Nga BBC dhe BBC Worldwide te The Evening Standard, The Independent dhe The Telegraph, Mars El Brogy ka ndërtuar një karrierë të spikatur në gazetarinë britanike, prodhimin televiziv dhe median digjitale.

Albanian Career & Business Summit UK 2026 ka kënaqësinë të mirëpresë Mars El Brogy si folëse të ftuar, duke sjellë në program përvojën dhe ekspertizën e njëprofesionisteje të medias, karriera e së cilës përfshin disa prej organizatave mediatike më të njohura në Mbretërinë e Bashkuar.

Gjatë karrierës së saj në BBC, BBC Three dhe BBC Worldwide, Mars ka kontribuar në zhvillimin e formateve televizive, prodhimin multimedial dhe projektet e përmbajtjes digjitale, përfshirë punën në nisma të mëdha si Comic Relief, Sport Relief dhe Children in Need.

Ajo ishte gjithashtu pjesë e ekipit që themeloi London Live, përpara se të merrte një rol të lartë drejtues si Group Head of Video Production pranë The Evening Standard dhe The Independent, ku mbikëqyri prodhimin e videove për dy prej mediave më të njohuranë Britani.

Mars është gjithashtu një emër i njohur në gazetarinë gastronomike. Ajo ka krijuar profilin e saj duke eksploruar historitë që fshihen pas pjatave ikonike, duke sjellë në vëmendje mjeshtërinë, kulturën dhe krijimtarinë që i bëjnë ato të veçanta. Shkrimet e saj janë botuar edhe në Good Food. Përveç kësaj, ajo merr pjesë rregullisht në evente të tapetit të kuq dhe ka intervistuar personalitete të shumta të njohura.

Përtej karrierës së saj drejtuese, Mars është folëse në aktivitetet TEDx dhe National Student Television Association (NaSTA). Ajo është një mentore e përkushtuar, e cila ka kontribuar në zhvillimin profesional të brezit të ri të profesionistëve të medias.

Në nder të kontributit të saj, çmimi Mars El Brogy Award for Multiplatform Content i NaSTA-s synon të nxisë stacionet televizive studentore të ndërthurin mediat sociale, përmbajtjen digjitale në platforma të ndryshme, marketingun dhe angazhimin interaktiv të audiencës në strategjitë e tyre të komunikimit.

Ndër arritjet e saj përfshihet edhe Ibn Battuta Award for Excellence in Media, të cilin e fitoi në vitin 2018. Në vitin 2022, ajo ishte gjithashtu pjesë e grupit të personaliteteve të përfshira në listën Most Influential Muslim in the Media.

Për ne, është një burim krenarie të mirëpresim profesioniste të këtij niveli në Albanian Career & Business Summit UK 2026 dhe të krijojmë një platformë ku përvoja e tyre të shërbejë si burim frymëzimi, njohurish dhe orientimi për të gjithë ata që synojnë të ndërtojnë të ardhmen e tyre profesionale.