Narrativa Shqiptare hedh dritë mbi realitetet që shpesh injorohen: dhuna në familje, normat patriarkale që kufizojnë gratë, stigmat ndaj shëndetit mendor dhe sfidat me të cilat përballen shqiptarët në emigracion.

Me profesionalizëm dhe ndjeshmëri, ne trajtojmë tema që prekin jetën e përditshme të shqiptarëve në Shqipëri, në Mbretërinë e Bashkuar dhe në mbarë diasporën. Qëllimi ynë është i qartë: 

 Të informojë komunitetin shqiptar për të drejtat në emigracion

Duke ndarë informacione të qarta dhe të verifikuara mbi ligjet, shërbimet, të drejtat dhe mundësitë që ofron Britania për emigrantët, kjo platformë synon të jetë një burim i besueshëm për orientim dhe mbrojtje ligjore.

Të thyejë tabutë e shëndetit mendor në kulturën shqiptare

Në një shoqëri ku çrregullimet mendore vazhdojnë të perceptohen si “dobësi”, Narrativa Shqiptare ofron një qasje të bazuar në shkencë dhe përvojë njerëzore – me intervista, analiza dhe rrëfime që ndihmojnë në çlirimin nga stigma.

Të tregojë histori suksesi që frymëzojnë

Rrëfimet e shqiptarëve që kanë ndërtuar me përpjekje dhe integritet jetën e tyre në diasporë janë pjesë e pandashme e kësaj medie. Jo për lavdi personale, por për ndërtimin e një modeli kolektiv frymëzues. 

Të krijojë ura bashkëpunimi në diasporë

Platforma synon të bashkojë shqiptarët në Britani e më gjerë përmes rrjeteve profesionale, trajnimeve, aktiviteteve komunitare dhe gazetarisë bashkëpunuese.