“Shpëtoje (ose ndihmoje) Silvjan”

SILVJA vetëm 20 vjeç, është diagnostikuar me një tumor në tru dhe ka nevojë urgjente për ndërhyrje kirurgjikale në një klinikë të specializuar jashtë vendit.

Sipas familjes, së fundmi është marrë një përgjigje zyrtare nga klinika “Charité” në Gjermani, ku është vlerësuar se kostoja totale e operacionit arrin në 100.000 euro, një shumë që tejkalon mundësitë financiare të familjes.

Për momentin, familjarët po respektojnë dëshirën e pacientes për të mos publikuar fotografi apo detaje të tjera personale lidhur me gjendjen e saj shëndetësore.

Familja, të afërmit e saj apelojnë për solidaritet dhe mbështetje njerëzore në këtë moment të vështirë, duke theksuar se çdo kontribut, sado i vogël, mund të bëjë një ndryshim real dhe të përfaqësojë shpresë për jetën e saj.